რატომ არ ვითარდება ბიზნესი?

სამუშაო დღის განმავლობაში უამრავი საქმის გაკეთება ნიშნავს, თუ არა ბიზნესის მართვას?

ზუსტად ამ კითხვით იწყება ის ცნობიერება, რომელიც ყველა მეწარმეს სჭირდება.

თქვენ ყოველდღე აკეთებთ ბევრ საქმეს — ემსახურებით კლიენტებს, მართავთ პროცესებს, ზრუნავთ პროდუქტზე, პასუხობთ შეტყობინებებს, ასწრებთ ყველაფერს, რაც დღის განმავლობაში გროვდება…

მაგრამ საკვანძო კითხვაა: მართავთ თქვენ ბიზნესს, თუ უბრალოდ უწყვეტად ასრულებთ ამოცანებს გადარჩენის რეჟიმში?

ბევრ მეწარმეს ჰგონია, რომ იყოს დაკავებული - ნიშნავს პროგრესს. მაგრამ ყოველდღიური საქმის კეთება და ბიზნესის მართვა, სრულიად განსხვავებული პროცესებია. მართვა იწყება იქ, სადაც ჩნდება ხედვა, სტრუქტურა და შეგნება, რომ თქვენი ბიზნესი უნდა მუშაობდეს თქვენთვის და არა პირიქით.

ნოემბერი და დეკემბერი სწორედ ამის დროა. წლის ბოლო ყოველთვის გვაძლევს შანსს, შევჩერდეთ და საკუთარ თავს დავუსვათ კითხვა: „სად ვართ ახლა? რას ემსახურება ჩვენი ყოველდღიური შრომა?“

ეს არ არის მხოლოდ წლის დასრულება, ეს არის დრო, როდესაც უნდა შევჩერდეთ და დავინახოთ ჩვენი ბიზნესის ნამდვილი სურათი: რა შევქმენით, რას ვემსახურებით და რა ქაოსი იმალება ჩვენი ყოველდღიური მოქმედებების მიღმა.

მიდგომა, რომელიც საფრთხეს უქმნის ბიზნესს

უმეტეს შემთხვევაში, ბევრი სპეციალისტი, რომელიც მუშაობს საკუთარ ბიზნესში, არ ფიქრობს საქმიანობაზე როგორც სისტემაზე. ის არ აყალიბებს მიზანს, არ ქმნის სტრატეგიულ, ნაბიჯ-ნაბიჯ გასავლელ გეგმას და შესაბამისად მუშაობს მხოლოდ რეაგირებაზე.

ეს მიდგომა თითქმის ყოველთვის იწვევს ფულის მუდმივ უკმარისობას, დაღლილობას და იმ განცდას, რომ რაც არ უნდა მეტი იმუშაონ, არაფერი იცვლება.

სინამდვილეში, წარმატებულსა და წარუმატებელ ბიზნესს შორის განსხვავებას ქმნის ერთი მთავარი რამ —  სიტყვა „ბიზნესის“ სწორი გაგება. მისი საჭიროებების ცოდნა, სტრუქტურული ხედვის ჩამოყალიბება და სტრატეგიული მიმართულების შექმნა სტაბილურ სისტემას აშორებს ქაოსისგან.

ბიზნესი, რომელიც არ არის გაცნობიერებული, ჰგავს სახლს ფუნდამენტის გარეშე: შეიძლება ლამაზი ჩანდეს, მაგრამ ერთი პატარა ქარიც კი ადვილად შეარყევს.

და სწორედ ამიტომ, წლის ბოლოს ჩვენ გვჭირდება ხელახლა შევხედოთ საფუძველს — რას ეყრდნობა ჩვენი ბიზნესი, რა გვაძლიერებს და რა გვასუსტებს.

თუ ამ სურათში საკუთარ თავს ხედავთ, ეს ნიშნავს, რომ სწორედ ახლაა ყველაზე სწორი დრო, გამოხვიდეთ ავტომატური რეჟიმიდან და დაიწყოთ გაცნობიერებული ფიქრი. აღიაროთ, რომ ფრაზა „არ მცალია ფიქრისთვის, უნდა ვიმუშაო“ თქვენს ზრდას ზღუდავს.

ფიქრი მიზანზე, მისი გააზრება და დაგეგმვა ეს არის ბიზნესის ყველაზე ძვირფასი რესურსი.

როგორ იღვიძებს ბიზნესი

ბიზნესის გაღვიძება იწყება ცნობიერებით, იმ მომენტში, როცა პირველად ვაცნობიერებთ, რომ ჩვენ არ ვართ უბრალოდ საკუთარი სამუშაო ადგილის მფლობელები;

ჩვენ ვართ ბიზნესის მფლობელები, რომელსაც სჭირდება სისტემა და სწორად დაგეგმილი ქმედებები.

ჩვენს ბიზნესს გაცნობიერებაში ხელს გვიწყობს სამი ძირითადი კითხვა:

- „როგორი გვინდა, რომ იყოს ჩვენი ბიზნესი?“- „როგორ გვინდა, რომ იგრძნონ კლიენტებმა თავი, როცა ჩვენი ბიზნესის სახელს გაიგონებენ?“- „რა გვაჩერებს დღეს, რომ ეს ორი პასუხი რეალობად ვაქციოთ?“

ეს კითხვები შეიძლება მარტივად გამოიყურებოდეს, მაგრამ მათზე გულწრფელი პასუხები ქმნის ჩვენი ბიზნესის მომავალს.

ყველაზე ძლიერი გარდაქმნები მაშინ ხდება, როცა მზად ვართ საკუთარ თავს დავუსვათ ასეთი კითხვები, თუნდაც პასუხებმა მცირე შიშიც ან დისკომფორტიც გამოიწვიოს.

ნუ გადადებთ. დაუსვით საკუთარ თავს ეს კითხვები დღესვე.

შესაძლოა თავდაპირველად მხოლოდ პატარა ნაბიჯებით დაიწყოთ სვლა, მაგრამ სწორედ ეს მცირე ნაბიჯები ხსნის გზას სტაბილურობისკენ, ზრდისკენ და ისეთი ბიზნესისკენ, რომელიც თქვენთვის მუშაობს და არა პირიქით.

პრაქტიკული დავალება

დაიწყეთ დღესვე, ჩამოწერეთ თქვენი ბიზნესის რეალური სურათი ამ სამი კითხვით:

1. რა არის თქვენი მიზანი?

2. რა გაქვთ უკვე, რაც ამ მიზნის მიღწევაში გეხმარებათ?

3. რა გაკლიათ იმისათვის, რომ მიზანს მიაღწიოთ?

შეაფასეთ თქვენი მდგომარეობა ისე, როგორც ექიმი აფასებს პაციენტს — გულწრფელად, ფაქტებზე დაყრდნობით და სიყვარულით.

ეს არ არის თვითკრიტიკა ეს არის გაცნობიერება. როცა ხედავთ ბიზნესს ცხადად, გაქვთ ძალა იმოქმედოთ, ხოლო როცა ხედავთ ქაოსს, ჩნდება შიში და გადაღლა.

ბიზნესის ფუნდამენტი

ბიზნესი არ უნდა იყოს ყოველდღიური ბრძოლა გადარჩენისთვის — ის უნდა გახდეს სისტემა, რომელიც მუშაობს თქვენთვის.

ეს კი ნიშნავს, რომ აუცილებელია:

• იცოდეთ თქვენი ბიზნესის მონაცემები (ნამდვილი შემოსავალი და ნამდვილი მოგება).

• დაინახოთ თქვენი ციფრები და არ შეგეშინდეთ მათთან შეხება.

• გქონდეთ მკაფიო მიზანი და არა მხოლოდ გეგმა.

• გესმოდეთ, ვის ემსახურებით და რატომ.

და ბოლოს იყო მფლობელი ნიშნავს შექმნა მკაფიო საფუძველი სისტემა, რომელიც ეყრდნობა რეალურ მონაცემებს და თქვენი ბიზნესის მიზნებს. ეს საფუძველი სწორედ ისაა, რაც ხელს უწყობს თქვენი ბიზნესის ზრდასა და მომგებიან განვითარებას.

ოქროს ბიზნეს რჩევა დეკემბრისთვის

დაიწყეთ ერთი მარტივი ნაბიჯით, აიღეთ ბოლო სამი თვის მონაცემები და ჩამოწერეთ:

1. თქვენი ნამდვილი შემოსავალი

2. თქვენი ნამდვილი მოგება

3. თქვენი ყველაზე ძლიერი მომსახურება

ეს მცირე ანალიზი გახდება თქვენი ბიზნესის საფუძვლის პირველი აგური. როცა ხედავთ რეალურ

ციფრებს, გადაწყვეტილებები აღარ ემყარება შემთხვევითობას, იწყება მართვა, რომელიც ავითარებს თქვენს ბიზნესს და აძლიერებს მის სტაბილურობას.

დაწერეთ კომენტარებში: რა იყო თქვენი ყველაზე მნიშვნელოვანი გაცნობიერება ამ წელს? რა იგრძენით, როცა პირველად დაინახეთ, რომ თქვენი საქმე არის რეალური ბიზნესი და არა უბრალოდ საქმე, რომელსაც გულით აკეთებთ?

შეახსენეთ საკუთარ თავს: ეს დეკემბერი თქვენს გამოღვიძებას ეკუთვნის.